Jahon banki Kogon shahriga 37 mln dollar miqdorida qarz mablagʻi ajratmoqda 

15:18 11 Sentyabr 2019 Iqtisodiyot
229 0

Kogon shahriga qaytarish muddati 30 yil sharti bilan 37 million AQSH dollari miqdorida qarz mablagʻi ajratiladigan boʻldi. Bu mablagʻ Jahon bankining “Oʻrta shaharlarni kompleks rivojlantirish” loyihasi doirasida Xalqaro tiklanish va taraqqiyot banki tomonidan beriladi.

Sarmoya hududda ichimlik suvi taʼminoti va oqava suv tizimi ishini zamon talablariga moslashtirish,Kogon – Buxoro yoʻnalishida sayyohlar uchun xizmat koʻrsatadigan avtobuslar qatnovini yoʻlga qoʻyish, obodonlashtirish yumushlari uchun maxsus avtoulovlar xarid qilish kabi maqsadlar uchun sarflanadi.Eʼtiborlisi, shu dastur doirasida Kogon shahridagi oʻndan ziyod madaniy meros obyekti rekonstruksiya qilinadi.Ular orasida Abdulahadxon tarixiy inshooti ham bor.

Yaqinda Jahon bankining Oʻzbekistondagi vakolatxonasi katta mutaxassisi Rozanna Nitti Buxoro viloyati hokimi Oʻ. Barnoyev bilan uchrashib, shu boradagi hamkorlikka oid masalalar yuzasidan fikrlashdi.

Taʼkidlash joizki, biz yuqorida nomini tilga olgan yirik loyihaga tajriba – sinov hududi sifatida Toshkent viloyatining Yangiyoʻl hamda Namangan viloyatining Chortoq tumanlari ham tanlab olingan.

Istam IBROHIMOV, “Xalq soʻzi”.


Izohlar

Hozircha hech kim fikr bildirmagan. Balki Siz birinchilardan bo'larsiz?