Rossiya Federatsiyasi Prezidenti Vladimir Putin Oʻzbekistonning ushbu mamlakatga yangi tayinlangan Favqulodda va muxtor elchisi B. Asadovdan ishonch yorligʻini qabul qilib olish vaqtida yurtimizda amalga oshirilayotgan islohotlar xususida oʻz munosabatini bildirib oʻtdi.

Bu haqda Kreml matbuot xizmati xabar tarqatdi.

“Oʻzbekiston — Rossiyaning strategik hamkori va ittifoqchisi. Ikki tomonlama aloqalarimiz siyosiy, iqtisodiy, harbiy-texnikaviy, madaniy va gumanitar sohalarda chuqurlashmoqda. Kelgusi haftada Toshkentga tashrifim chogʻida Prezident Shavkat Miromonovich Mirziyoyev bilan keng miqyosda muzokaralar olib boramiz va ularning natijalari boʻyicha hukumatlararo va tijoriy hujjatlar imzolanadi”, deya alohida taʼkidlagan Rossiya Federatsiyasi Prezidenti.