Toshkentda xalqaro marafon oʻtkaziladi (Video)

19:00 20 Fevral 2020 Sport
1678 0

Foto: Hasan Paydoyev / "Xalq so'zi"

Oʻzbekiston Respublikasi Prezidentining 2020-yil 24-yanvarda imzolangan “Oʻzbekiston Respublikasida jismoniy tarbiya va sportni yana-da takomillashtirish va ommalashtirish chora-tadbirlari toʻgʻrisida”gi Farmonida 2020-yildan boshlab sport sohasida “Tashkent Marathon” va “Save Aral” xalqaro ekomarafoni, avtoralli va motokross sport musobaqalarini tizimli oʻtkazish orqali yurtimizda sport turizmini rivojlantirish vazifasi belgilangan edi.

Mazkur topshiriq ijrosini taʼminlash, mamlakatimizda aholi salomatligini mustahkamlash va yoshlar orasida sogʻlom turmush tarzini faol targʻib qilish maqsadida joriy yilning 22-mart kuni “Navroʻz” umumxalq bayramiga bagʻishlangan II Toshkent xalqaro marafonini oʻtkazish rejalashtirilgan.

Foto: Hasan Paydoyev / "Xalq so'zi"

Kecha Oʻzbekiston Respublikasi Jismoniy tarbiya va sport vazirligida mazkur musobaqaga atalgan matbuot-anjumani tashkil qilindi.

Marafon haqida.

Reglamentga koʻra, musobaqa 4 xil yoʻnalishda oʻtkaziladi: marafon (42 km, 195 metr), yarim marafon (21 km, 97,5 metr), 3 km va 1,5 km masofalar. Ahamiyatlisi, marafon distansiyasi World Athletics (Jahon yengil atletikasi) ning Xalqaro uzoq masofa va marafonlar assotsiatsiyasi tomonidan sertifikatlangan. 

Foto: Hasan Paydoyev / "Xalq so'zi"

II Toshkent Xalqaro marafonining sovrin jamgʻarmasi 350 million soʻmni tashkil qiladi. Unda ishtirok etishni istagan koʻngillilar esa www.uzmarathon.uz sayti orqali roʻyxatdan oʻtishlari mumkin.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?