Oʻzbekistonda tezkor mobil internet qamrovi yil yakunigacha 90 foizga yetkaziladi

01:26 12 May 2020 Siyosat
193 0

Oʻzbekiston Respublikasi Prezidenti Shavkat Mirziyoyev 11-may kuni raqamli iqtisodiyot va elektron hukumatni keng joriy etish masalalari boʻyicha yigʻilish oʻtkazdi.

Yigʻilishda axborot texnologiyalari infratuzilmasini rivojlantirish masalasiga alohida eʼtibor qaratildi.

Jahon banki hisobotiga koʻra, keng polosali internet tarmogʻini 10 foiz kengaytirish evaziga yalpi ichki mahsulotni kamida 1 foiz oʻstirish mumkin.

Joriy yilda optik tolali aloqa qamrovini maktabgacha taʼlim tizimida 41 foizdan 100 foizga, xalq taʼlimida 40 foizdan 70 foizga, sogʻliqni saqlash sohasida 38 foizdan 100 foizga yetkazish vazifasi belgilangan. Bu orqali koʻplab qishloqlarga internet tarmogʻi yetib boradi.

Shu bois Axborot texnologiyalari va kommunikatsiyalarini rivojlantirish vazirligiga ijtimoiy obyektlarni yuqori tezlikdagi internet bilan taʼminlash, tezkor mobil internet qamrovini yil yakunigacha 90 foizga yetkazish vazifasi qoʻyildi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?