Illyustrativ foto

Mamlakatimizning Olmaota shahridagi Bosh konsulxonasi bergan maʼlumotga koʻra 2019-yil 23-avgustga oʻtar kechasi Qozogʻistonning Turkiston viloyatining Yepkendi posyolkasidan oʻtuvchi Turkiston – Chimkent avtotrassasida Oʻzbekiston fuqarosi E.A. avtobus urib ketishi oqibatida vafot etdi.

Yoʻl-transport hodisasi boʻyicha jinoiy ish ochilib, tergov olib borilmoqda. Bu haqda TIV xabar berdi.

Bosh konsulxona vaziyatni nazoratga oldi va Qozogʻistonning Turkiston viloyati huquqni muhofaza qilish organlari bilan doimiy aloqada boʻlib turibdi.

Konsullik-huquqiy departamenti marhumning oila aʼzolari va yaqinlariga taʼziya bildiradi hamda Qozogʻistonning Olmaota va Chimkent shaharlari, Olmaota, Sharqiy Qozogʻiston, Turkiston, Jambil va Qiziloʻrda viloyatlari hududida boʻlib turgan Oʻzbekiston fuqarolari zarur hollarda mamlakatimizning Olmaota shahridagi Bosh konsulxonasiga quyidagi telefon raqami orqali murojaat qilishlari mumkinligini eslatadi: +7-727-291-11-78.