Покистонлик журналистлар — таҳририят меҳмони
XS.UZ
Шавкат Мирзиёев ва Мун Чжэ Ин Жанубий Корея Миллий музейига ташриф буюрди Ўзбекистон Президенти Корея Республикаси Бош вазири билан учрашди Тадбиркорлар манфаатларини таъминлаш — эътиборда Ҳуқуқий ислоҳотлар юрт равнақи ва аҳоли фаровонлигига хизмат қилмоқда Уч марта ҳосил берувчи ўсимлик андижонлик фермерларга мўмай даромад келтирмоқда Барқарор ва кафолатли таъминот Бугунидан рози, келажакка ишончи мустаҳкам халқ Таълим, тарбия, тарғибот Мавсумга тайёргарлик: муаммолар бартараф этилмоқда «Электрон поликлиника» Миллий санъатимиз жилоси хорижликларни мафтун этмоқда Сувга чидамли Футболни ривожлантиришда замонавий ёндашув зарур Вулқон хавфи ДНК текшируви ойдинлик киритди Буюк Британия кучли бешликдан чиқиб кетди Тўққиз йиллик можаро жамоатчилик иштирокида ҳал этилди Ўзбекистон — Жанубий Корея: Стратегик шериклик муносабатларида янги босқич Тошкентда "High Tech City" маъмурий-маиший мажмуа қурилади Ўзбекистон – Қирғизистон ўртасидаги битим кучга кирди. У нима ҳақда эди? ОТМларда сиртқи ҳамда кечки бўлимлар очилди Муддатли ҳарбий хизматчилар ва резервчиларнинг хатлари махсус маркаланган почта конвертларида жўнатилади  Адлия вазирининг ўринбосари БМТнинг ИҲОКБ ва Тараққиёт дастури экспертлари билан учрашди Пан Ги Мун: Ўзбекистоннинг ички ва ташқи сиёсатдаги янги ташаббусларини қўллаб-қувватлайман Мирзиёев Корея Миллий Ассамблеяси Фахрий меҳмонлар китобига нималарни ёзди? Шавкат Мирзиёев БМТ собиқ Бош котиби Пан Ги Мун билан учрашди Ўзбекистон Президенти Корея Республикаси Миллий Ассамблеясида бўлди Тошкент шаҳрида “Марказий Осиё давлатларининг сув бўйича ҳамкорлигига 25 йил: эришилган тажриба, истиқболдаги вазифалар” мавзуида Корея Республикаси Бош вазири ўринбосари: Ўз мамлакатининг ривожига бу қадар катта аҳамият берадиган давлат раҳбарини жуда Корея Республикаси савдо, энергетика ва саноат вазири: Навоийдаги логистика марказини минтақадаги етакчи марказга айланади
  • 13 Ноябрь 2017

Покистонлик журналистлар — таҳририят меҳмони

Покистонлик журналистлар ҳамда медиа-экспертлардан иборат делегация “Халқ сўзи” ва “Народное слово” газеталари таҳририятига ташриф буюрди.

Самарқанд шаҳрида ўтган “Марказий Осиё: ягона тарих ва умумий келажак, барқарор ривожланиш ва тараққиёт йўлидаги ҳамкорлик” мавзусидаги халқаро конференцияда иштирок этиш учун юртимизга турли мамлакатлардан делегациялар ташриф буюрди. Хусусан, улардан бири — Покистон делегацияси ташриф доирасида “Халқ сўзи” ва “Народное слово” газеталари таҳририятида меҳмон бўлди.

Бутунпокистон босма нашрлар жамияти (APNS) вакилларидан иборат делегация аъзоларига мамлакатимизнинг барча ҳудудида Ҳаракатлар стратегияси доирасида амалга оширилаётган ислоҳотлар ҳақида батафсил ахборот берилди. Делегация аъзолари Самарқанд, Бухоро ҳамда Тошкентга ташрифлари чоғида бу ислоҳотлар, ўзгаришлар билан яқиндан танишиш имкониятига эга бўлишди.

Учрашувда қайд этилганидек, Ўзбекистонда ахборот соҳасида изчил ислоҳотлар жараёни кечаяпти. Бугунги кунда республикада 1500 дан ортиқ оммавий ахборот воситалари фаолият юритмоқда. Журналистлар учун қулай шарт-шароитлар яратиш, газета, журналлар, телевидение ва радио, интернет ОАВни бугунги кун талабларига мувофиқ ривожлантиришга қаратилган ўнлаб қонунлар, давлат раҳбарининг Фармон ҳамда қарорлари қабул қилинди.

Давлатимиз раҳбари оммавий ахборот воситалари ривожига алоҳида эътибор қаратаётгани учрашувда алоҳида айтиб ўтилди. Президентимиз мамлакатимиз ижодкор зиёлилари, етакчи оммавий ахборот воситалари вакиллари билан учрашув ўтказди. Бу учрашув журналистларни янги ижодий изланишларга ундаётгани билан, айниқса, аҳамиятлидир.

Покистонлик журналистларга мамлакатдаги етакчи даврий нашр — “Халқ сўзи” ва “Народное слово” газеталарининг таъсис этилиши тарихи, улар фаолиятининг асосий йўналишлари, шунингдек, бугунги кунда қабул қилинганининг 25 йиллигини нишонлашга қизғин тайёргарлик кўрилаётган Конституциямиз лойиҳаси эълон қилиниши сингари муҳим воқеалар ҳақида батафсил ахборот берилди.

Покистонлик меҳмонлар юртимизга ташрифи таассуротлари билан ўртоқлашди, шунингдек, Самарқанд бўлиб ўтган йирик форумдаги иштироклари ҳақида фикр алмашишди.

Журналистлар 200 миллион кишилик Покистонда оммавий ахборот воситалари, журналистлар фаолияти ҳақида атрофлича маълумот беришди. Покистон глобал ва стратегик тадқиқотлар маркази директори Холид Темур Акбарнинг сўзларига кўра, электрон оммавий ахборот воситалари ушбу мамлакатда жадал ривожланиб бораётган бўлса-да, аҳоли ҳали ҳам кўпроқ газета ҳамда журналларга ишонади. Босма оммавий ахборот воситалари ҳаққоний ва холис янгиликларнинг асосий манбаси бўлиб қолмоқда.

APNS катта вице-президенти, “The Daily Ibrat” газетаси бош муҳаррири Асад Обид Қазининг айтишича, Ўзбекистондаги етакчи газеталар, журналистлар ижодий ташкилотлари тажрибаси покистонлик журналистлар учун муҳим аҳамиятга эга. Унинг фикрича, икки томонлама ҳамкорликни йўлга қўйиш ОАВ ходимлари малакасини оширибгина қолмасдан, мамлакатларимизнинг глобал ахборот маконидаги имижини яхшилашда биргаликда ишлаш имкониятини яратади. Бундай ҳамкорлик эришилган натижа ҳамда муваффақиятлар, халқимиз ва мамлакатларимиз бой тарихи ҳамда маданияти ҳақида дунё жамоатчилигини хабардор қилишга кенг йўл очади.

Бизнинг маълумот: Бутунпокистон босма нашрлар жамияти (All Pakistan Newspapers Society, APNS) 1953 йилда Карачида ташкил этилган.

Жамият аста-секинлик билан оммалашиб борди. Ҳозирги кунда APNS директорлар кенгашига камида 100 миллион кишилик аудиторияга эга бўлган медиа-компаниялар бошлиқлари аъзо ҳисобланишади.

 

СЎНГГИ ЯНГИЛИКЛАР