Билим ва иқтидорга муносиб таклиф
XS.UZ
Президент қарори: Ўзбек миллий мақом санъати маркази ташкил этилади Ўзбек миллий мақом санъатини янада ривожлантириш чора-тадбирлари тўғрисида Шавкат Мирзиёев Мун Чжэ Иннинг таклифига биноан 22-25 ноябрь кунлари давлат ташрифи билан Корея Республикасида бўлади Бош прокуратура қошида Ахборот-таҳлил мультимедиа маркази ташкил этилади Ўзбeкистон ва Грузия сиёсий маслаҳатлашувлар ўтказди Шавкат Мирзиёев навбатга ёзилиш учун электрон тизим жорий қилинган оилавий поликлиникага борди Шавкат Мирзиёев: ҳар бир маҳалладаги профилактика инспектори ўрнига уч нафар энг профессионал ходим саралаб олиб бириктирилади Энди электр таъминоти корхонаси вакилини онлайн чақириш мумкин Тошкент шаҳрининг ҳар бир туманида 10 тадан сузиш ҳавзаси қурилиши мумкин Президент Сергели туманидаги 55-сонли мактаб фаолияти билан танишди Президентга Хусусий уй-жойларга хизмат кўрсатувчи профессионал бошқарув компанияси фаолияти ҳақида маълумот берилди ЖССТ экспертлари силга қарши курашиш бўйича Ўзбекистон тажрибасини юқори баҳолашди Шавкат Мирзиёев: бу уйларни бировларга кўз-кўз қилиш учун эмас, аҳоли манфатларини ўйлаб бунёд этмоқдамиз Наманганда ўтказилган бўш иш ўринлари ярмаркасида 135 фуқаро ишли бўлди Шавкат Мирзиёев Сергели туманига ташриф буюради Президент қарори: ЎзМУда “Таэквондо ва спорт фаолияти” факультети ташкил этилади Президент фармони: 2018 йил 1 январдан бошлаб истеъмол қилинадиган сув учун олдиндан ҳақ тўланади Президент қарори: алоҳида иқтидор талаб этиладиган муайян соҳаларга тест синовлари бекор қилинди Маҳаллийлаштириш дастури самаралари Ўзбекистон — умумий уйимиз Осойишталик учун курашиш керак Ислом — тинчлик ва эзгулик дини Республика олий таълим муассасалари бакалавриатига кириш тест синовларини ўтказиш тартибини такомиллаштириш тўғрисида Сув таъминоти ва сув чиқариш хизмати кўрсатиш соҳасида тўлов интизомини тубдан такомиллаштириш чора-тадбирлари тўғрисида Мирзо Улуғбек номидаги Ўзбекистон Миллий университети таркибида “Таэквондо ва спорт фаолияти” факультетини ташкил этиш тўғрисида Манфаатли ҳамкорлик алоқаларни ривожлантириш масалалари муҳокама этилди Рустам Жангабоевга Президент совғаси – “Nexia” автомобилининг калити топширилди Термизда Афғонистон фуқароларини ўқитиш маркази очилади Самарқандда замонавий стандартларга мос туристик автобуслар ишлаб чиқарилади Самарқандда “Volkswagen” машиналари ишлаб чиқарилади
  • 13 Сентябрь 2017

Билим ва иқтидорга муносиб таклиф

Пойтахтимиздаги Ёшлар ижод саройида навқирон авлод вакиллари учун меҳнат ярмаркаси очилди.

Ўзбекистон Республикаси Бандлик ва меҳнат муносабатлари вазирлиги, Ўзбекистон ёшлар иттифоқининг Тошкент шаҳар Кенгаши, Тошкент шаҳар ҳокимлиги, Бош прокуратура ҳузуридаги департаментнинг Тошкент шаҳар бошқармаси ҳамкорлигида ташкил этилган меҳнат ярмаркасидан кўзланган мақсад йигит-қизларни ишга жойлаштириш ва уларнинг ўз бизнесларини йўлга қўйишларига кўмаклашишдан иборат.

Тадбирнинг очилишида сўзга чиққанлар мамлакатимизда янги иш ўринлари ташкил этиш ва аҳоли даромадларини ошириш давлатимиз ижтимоий сиёсатининг устувор йўналишларидан бири эканини таъкидлашди. Ярмаркада, асосан, таълим муассасалари битирувчилари, муддатли ҳарбий хизматни ўтаб қайтганлар, хотин-қизлар ва аҳолининг эҳтиёжманд қатламлари бандлигини таъминлашга алоҳида эътибор қаратилаётир. Унда пойтахтимиздаги 450 дан зиёд ташкилотлар, бирлашмалар, йирик ишлаб чиқариш ва қурилиш корхоналари, шунингдек, кичик бизнес ҳамда тадбиркорлик субъектлари ўзларининг фаолият йўналишларига доир 8 мингдан ортиқ бўш иш ўринлари билан қатнашмоқда. Таклиф қилинаётган маошларнинг икки миллион сўмгача экани ёшлардаги иштиёқни янада орттираяпти.

— Айни пайтда дунёнинг кўпгина ривожланган давлатларида ишсизлик даражаси аҳоли, айниқса, ёшлар орасида кўпаяётганининг гувоҳи бўлиб турибмиз, — дейди Тошкент тижорат ва тадбиркорлик касб-ҳунар коллежи ўқувчиси Аброр Мирзааҳмедов. — Юртимизда эса ёшлар доимо эътиборда. Бундай тадбирларнинг мунтазам равишда ташкил этилаётганидан жудаям хурсандмиз. Ўзим инглиз ва рус тилларини биламан. Тез орада хусусий корхонада фаолият юритиб, танлаган касбим бўйича салоҳиятимни рўёбга чиқармоқчиман.

Ярмарка давомида иш берувчилар томонидан амалий кўргазмалар ҳам ўтказилаяпти. Мисол учун, қурилиш, пайвандлаш, озиқ-овқат, сут ҳамда қандолат маҳсулотлари ишлаб чиқариш, хизмат кўрсатиш соҳаси, жумладан, тикиш-бичиш ва сартарошлик бўйича маҳорат сабоқлари уюштирилаётир.

Ўзбекистон ёшлар иттифоқи Тошкент шаҳар Кенгаши раисининг биринчи ўринбосари Акмал Жумабоевнинг қайд этишича, бу каби анжуманлар иш берувчилар ва меҳнатга лаёқатли фуқаролар ўртасидаги ҳамкорликни кучайтириш, фуқароларни меҳнат бозоридаги сўнгги маълумотлардан бохабар этишга хизмат қилмоқда.

Бу галги тадбирнинг яна бир ўзига хос жиҳати, унда пойтахтимиздаги 30 дан ортиқ тижорат банклари имтиёзли кредитлар олишга кўмаклашиш, қулай ҳамда соддалаштирилган кичик бизнес лойиҳаларини тақдим этиш ва белгиланган солиқ имтиёзлари қўлланилишига доир кўргазмали тақдимотлари билан қатнашмоқда.

— Бизнес ғоям билан Халқ банкининг Шайхонтоҳур филиалига мурожаат қилдим, — дейди ёш тадбиркор Азамат Мансуров. — Улар таклифимни қўллаб-қувватлаш истагида эканликларини билдиришди. Яқин орада имтиёзли кредитга эга бўлиб, тенгдошларим учун яна янги иш ўринларини ҳам кўпайтираман.

Меҳнат ярмаркасига келган Юнусобод туманилик Наргиза Жўраеванинг айтишича, у касб-ҳунар коллежини тамомлагач, сўнгги йилларда фарзанд тарбияси билан машғул бўлган.

— Бу ерда тақдим этилган маълумотлар билан батафсил танишиб, оилавий ша-роитимга мос иш топдим, — дейди у. — Бу каби меҳнат ярмаркаларининг ташкил этилиши иш берувчи учун ҳам, ишлаш истагида бўлган фуқаролар учун ҳам жуда яхши имконият.

Ярмарка бугун ҳам давом этади.

Омонулла ФАЙЗИЕВ,

«Халқ сўзи» мухбири.

 

 

СЎНГГИ ЯНГИЛИКЛАР