Тиббий хизмат сифати: Мурожаат ва муаммолар таҳлили 
XS.UZ
Президент қарори: Ўзбек миллий мақом санъати маркази ташкил этилади Ўзбек миллий мақом санъатини янада ривожлантириш чора-тадбирлари тўғрисида Шавкат Мирзиёев Мун Чжэ Иннинг таклифига биноан 22-25 ноябрь кунлари давлат ташрифи билан Корея Республикасида бўлади Бош прокуратура қошида Ахборот-таҳлил мультимедиа маркази ташкил этилади Ўзбeкистон ва Грузия сиёсий маслаҳатлашувлар ўтказди Шавкат Мирзиёев навбатга ёзилиш учун электрон тизим жорий қилинган оилавий поликлиникага борди Шавкат Мирзиёев: ҳар бир маҳалладаги профилактика инспектори ўрнига уч нафар энг профессионал ходим саралаб олиб бириктирилади Энди электр таъминоти корхонаси вакилини онлайн чақириш мумкин Тошкент шаҳрининг ҳар бир туманида 10 тадан сузиш ҳавзаси қурилиши мумкин Президент Сергели туманидаги 55-сонли мактаб фаолияти билан танишди Президентга Хусусий уй-жойларга хизмат кўрсатувчи профессионал бошқарув компанияси фаолияти ҳақида маълумот берилди ЖССТ экспертлари силга қарши курашиш бўйича Ўзбекистон тажрибасини юқори баҳолашди Шавкат Мирзиёев: бу уйларни бировларга кўз-кўз қилиш учун эмас, аҳоли манфатларини ўйлаб бунёд этмоқдамиз Наманганда ўтказилган бўш иш ўринлари ярмаркасида 135 фуқаро ишли бўлди Шавкат Мирзиёев Сергели туманига ташриф буюради Президент қарори: ЎзМУда “Таэквондо ва спорт фаолияти” факультети ташкил этилади Президент фармони: 2018 йил 1 январдан бошлаб истеъмол қилинадиган сув учун олдиндан ҳақ тўланади Президент қарори: алоҳида иқтидор талаб этиладиган муайян соҳаларга тест синовлари бекор қилинди Маҳаллийлаштириш дастури самаралари Ўзбекистон — умумий уйимиз Осойишталик учун курашиш керак Ислом — тинчлик ва эзгулик дини Республика олий таълим муассасалари бакалавриатига кириш тест синовларини ўтказиш тартибини такомиллаштириш тўғрисида Сув таъминоти ва сув чиқариш хизмати кўрсатиш соҳасида тўлов интизомини тубдан такомиллаштириш чора-тадбирлари тўғрисида Мирзо Улуғбек номидаги Ўзбекистон Миллий университети таркибида “Таэквондо ва спорт фаолияти” факультетини ташкил этиш тўғрисида Манфаатли ҳамкорлик алоқаларни ривожлантириш масалалари муҳокама этилди Рустам Жангабоевга Президент совғаси – “Nexia” автомобилининг калити топширилди Термизда Афғонистон фуқароларини ўқитиш маркази очилади Самарқандда замонавий стандартларга мос туристик автобуслар ишлаб чиқарилади Самарқандда “Volkswagen” машиналари ишлаб чиқарилади
  • 05 Сентябрь 2017

Тиббий хизмат сифати: Мурожаат ва муаммолар таҳлили 

Тиббий хизмат сифатини ошириш, аҳоли саломатлигини муҳофаза қилиш, дори воситалари таъминотини янада яхшилаш, соғлиқни сақлаш соҳасидаги ислоҳотларнинг ижроси самарадорлигини кафолатлаш, ушбу тизимда депутатлик, парламент ва жамоатчилик назоратининг изчил механизмларини жорий этиш бугунги кунда долзарб вазифалардан биридир.

Сўнгги бир йил мобайнида қабул қилинган Ўзбекистон Республикаси Президентининг 1 Фармони, 16 та қарори ва 10 та фармойиши айнан мазкур соҳа ривожига йўналтирилгани эътиборга молик. Ҳар бир инсоннинг малакали тиббий хизматдан фойдаланишини таъминлаш борасидаги саъй-ҳаракатларга қарамасдан, ўз ечимини кутаётган масалалар ҳам борки, бу одамларнинг ҳақли эътирозини уйғотмоқда.

Олий Мажлис Қонунчилик палатаси ҳузуридаги Аҳолига тиббий хизмат кўрсатишни ва дори воситалари таъминотини янада яхшилаш, соҳадаги қонунчиликни амалиётга самарали татбиқ қилиш борасидаги ишларни мувофиқлаштириш бўйича комиссия томонидан Соғлиқни сақлаш вазирлиги мутасаддилари иштирокида танқидий-таҳлилий руҳда ўтказилган семинарда шулар хусусида сўз юритилди.

Унда, шунингдек, Қонунчилик палатаси ҳузуридаги Комиссия ҳамда вазирлик олдида турган муҳим вазифалар, жамият саломатлиги ва соғлиқни сақлаш тизимини ташкил этиш масалаларида тизим фаолиятини мувофиқлаштириш, ягона давлат ва идоравий ҳисобот шаклларини ишлаб чиқиш бўйича амалга оширилаётган ишлар муҳокама этилди. Миллий тиббиёт стандартлари реестрини юритиш, унда янги стандартларни қайд этиш, соғлиқни сақлаш муассасаларининг халқаро сифат менежменти тизими талаблари ва бошқа халқаро стандартларга мувофиқлигини таъминлаш ишларини жадаллаштириш юзасидан фикр-мулоҳазалар билдирилди.

Тиббий хизмат кўрсатиш сифатини яхшилаш, аҳолининг тиббий маданиятини оширишда нодавлат нотижорат ташкилотлари ва фуқаролик жамияти институтларининг ижтимоий шериклигини мустаҳкамлаш муҳим аҳамият касб этади. Тадбирда шу юзасидан кўрилаётган чора-тадбирлар танқидий таҳлил этилди. Жумладан, ушбу йўналишда ННТнинг иштироки умуман сезилмаётгани, аҳоли орасида соғлом турмуш тарзини кенг тарғиб қилиш, касалликларнинг олдини олиш, қишлоқ оилавий поликлиникаларини замонавий тиббий асбоб-ускуналар билан таъминлаш каби лойиҳаларда ННТ фаоллиги кўзга ташланмаётгани айтиб ўтилди. Айни чоғда соғлиқни сақлаш тизимидаги камчилик ва муаммолар, уларнинг ечими юзасидан амалга оширилаётган саъй-ҳаракатлар хусусида аҳолининг хабардорлик даражасини ошириш, бунда ОАВдан самарали фойдаланиш масалалари иштирокчиларнинг қизғин муҳокамаларига сабаб бўлди.

Тадбирда Қонунчилик палатаси ҳузуридаги Комиссия томонидан кўрилаётган чора-тадбирларни янада кучайтириш ҳаётий зарурат экани таъкидланди. Мазкур комиссиянинг “Ишонч телефонлари”га фуқаролардан бўлаётган кўплаб шикоят ва мурожаатларнинг аксарияти даволаниш учун имтиёзли ордер олиш, дори-дармон таъминоти, айрим шифокорларнинг ўз вақтида иш жойида бўлмаслиги ва уларнинг тамагирлиги кабилардан иборат.

Кўпгина масалалар Комиссия томонидан тиббиёт ходимлари билан ҳамкорликда ўша жойнинг ўзида ижобий ҳал қилинаётгани ҳар бир ишга масъулият билан ёндашиш лозимлигини тасдиқлаяпти. Чунончи, жойларда ихтисослаштирилган марказлар ва клиникалар шифокорлари иштирокида аҳолининг барча қатлами чуқурлаштирилган тиббий кўрикдан ўтказилмоқда, мураккаб операция амалиётлари ҳудудлар кесимида ташкил этилмоқда.

Семинарда амалга оширилаётган шу каби ишлар қаторида баъзи тиббиёт ходимларининг масъулиятсизлиги, ўз ишига нисбатан бефарқлиги, патронаж ва тез тиббий ёрдам хизматида ҳамон камчиликларга йўл қўйилаётгани, ҳудудларда шифокорларнинг жамоатчилик олдида ҳисобот бериш тизими тўлиқ ишламаётгани, маҳаллий Кенгашлар сессияларида тиббиётга оид муаммоларнинг тизимли равишда муҳокама қилинмаётгани танқид остига олинди.

Якунда тегишли тавсиялар ишлаб чиқилди.

Зиёда АШУРОВА,

«Халқ сўзи» мухбири.

 

СЎНГГИ ЯНГИЛИКЛАР