Тиббий хизматдан халқимизнинг кўнгли тўлмоғи зарур
XS.UZ
Президент қарори: Ўзбек миллий мақом санъати маркази ташкил этилади Ўзбек миллий мақом санъатини янада ривожлантириш чора-тадбирлари тўғрисида Шавкат Мирзиёев Мун Чжэ Иннинг таклифига биноан 22-25 ноябрь кунлари давлат ташрифи билан Корея Республикасида бўлади Бош прокуратура қошида Ахборот-таҳлил мультимедиа маркази ташкил этилади Ўзбeкистон ва Грузия сиёсий маслаҳатлашувлар ўтказди Шавкат Мирзиёев навбатга ёзилиш учун электрон тизим жорий қилинган оилавий поликлиникага борди Шавкат Мирзиёев: ҳар бир маҳалладаги профилактика инспектори ўрнига уч нафар энг профессионал ходим саралаб олиб бириктирилади Энди электр таъминоти корхонаси вакилини онлайн чақириш мумкин Тошкент шаҳрининг ҳар бир туманида 10 тадан сузиш ҳавзаси қурилиши мумкин Президент Сергели туманидаги 55-сонли мактаб фаолияти билан танишди Президентга Хусусий уй-жойларга хизмат кўрсатувчи профессионал бошқарув компанияси фаолияти ҳақида маълумот берилди ЖССТ экспертлари силга қарши курашиш бўйича Ўзбекистон тажрибасини юқори баҳолашди Шавкат Мирзиёев: бу уйларни бировларга кўз-кўз қилиш учун эмас, аҳоли манфатларини ўйлаб бунёд этмоқдамиз Наманганда ўтказилган бўш иш ўринлари ярмаркасида 135 фуқаро ишли бўлди Шавкат Мирзиёев Сергели туманига ташриф буюради Президент қарори: ЎзМУда “Таэквондо ва спорт фаолияти” факультети ташкил этилади Президент фармони: 2018 йил 1 январдан бошлаб истеъмол қилинадиган сув учун олдиндан ҳақ тўланади Президент қарори: алоҳида иқтидор талаб этиладиган муайян соҳаларга тест синовлари бекор қилинди Маҳаллийлаштириш дастури самаралари Ўзбекистон — умумий уйимиз Осойишталик учун курашиш керак Ислом — тинчлик ва эзгулик дини Республика олий таълим муассасалари бакалавриатига кириш тест синовларини ўтказиш тартибини такомиллаштириш тўғрисида Сув таъминоти ва сув чиқариш хизмати кўрсатиш соҳасида тўлов интизомини тубдан такомиллаштириш чора-тадбирлари тўғрисида Мирзо Улуғбек номидаги Ўзбекистон Миллий университети таркибида “Таэквондо ва спорт фаолияти” факультетини ташкил этиш тўғрисида Манфаатли ҳамкорлик алоқаларни ривожлантириш масалалари муҳокама этилди Рустам Жангабоевга Президент совғаси – “Nexia” автомобилининг калити топширилди Термизда Афғонистон фуқароларини ўқитиш маркази очилади Самарқандда замонавий стандартларга мос туристик автобуслар ишлаб чиқарилади Самарқандда “Volkswagen” машиналари ишлаб чиқарилади
  • 29 Август 2017

Тиббий хизматдан халқимизнинг кўнгли тўлмоғи зарур

Ҳар бир давлат ва жамият тараққиёти, аввало, фуқароларнинг ҳаётий манфаатлари қай даражада таъминлангани, саломатлик кўрсаткичлари билан ўлчанади.

Яхши биламиз, ўтган асрнинг 90-йилларига келиб оғир ижтимоий-иқтисодий аҳволда қолган юртимизда оналар ва болалар ўлими, хавфли юқумли касалликларга чалиниш, гўдакларнинг ирсий ҳамда наслий хасталик, ногиронлик билан туғилиш кўрсаткичлари ниҳоятда ортган, тиббий хизмат сифати эса жуда пасайиб кетганди.

Мустақилликнинг дастлабки йиллариданоқ соғлиқни сақлаш тизимидаги бу муаммоларни ҳал этиш, инсонларнинг малакали тиббий хизматдан фойдаланиш ҳуқуқини кафолатлашга давлат сиёсати даражасида эътибор қаратилди. Бу борада қатор қонунлар, давлат дастурлари ижрога йўналтирилди. Натижада тиббий хизмат давр талабларига ҳамоҳанг тарзда ривожланди. Жойларда бирламчи тиббий муассасалар барпо этилди. Шошилинч тиббий ёрдам ва ихтисослаштирилган тиббий-илмий марказларга асос солинди. 

Хусусан, Республика ихтисослаштирилган кўз микрохирургияси маркази фаолияти йўлга қўйилди. Пойтахтимизда ва вилоятларда офтальмология соҳасига ихтисослаштирилган олтмишга яқин тиббиёт муассасалари ташкил қилинди. Кўз -касалликларини эрта аниқлаш ва асоратларсиз даволаш борасида тараққий топган мамлакатларнинг илғор амалиёти ўзлаштирилди. Катаракта, миопия хасталигини даволашда қўлланилаётган лазер жарроҳлиги усули, неоваскуляр глаукомани даволашда -дренаж имплантацияси, шишасимон тана ва тўр парданинг оғир хасталикларида витреоретинал жарроҳлик амалиётлари бунга бир мисолдир.

Кези келганда айтиш лозимки, беморларнинг хорижда даволанишига эҳтиёж қолдирмаслик мақсадида қилинган саъй-ҳаракатлар, изланишлар ўз самарасини берди. Ҳар йили юзлаб, минглаб ҳамюртларимизнинг бу ёруғ оламни кўришдек бахтга эришаётгани бунинг ёрқин далили, албатта. Қолаверса, офтальмология шифохоналари энг замонавий тиббий технологиялар билан жиҳозлангани, офтальмолог шифокорларнинг малака ва маҳорати муттасил равишда оширилаётгани, тизимда хусусий тармоқ тобора тараққий этаётгани мамлакатимизда бу соҳанинг жадал ривожланишига туртки бераётир.

Бироқ бугун бундай ютуқ ва натижаларга маҳлиё бўлиб қолмасдан, соҳани янада тубдан такомиллаштиришга эҳтиёж сезилмоқда. Ўзбекистон Республикаси Президентининг виртуал қабулхонаси ва Халқ қабулхоналарига айнан тиббий хизмат сифати, шифокорлар касбий масъулияти ва малакаси билан боғлиқ шикоятларнинг ҳам келиб тушаётгани мазкур тизимда фуқароларнинг ҳақли эътирозларига сабаб бўлаётган муаммо ҳамда камчиликлар борлигини тасдиқлайди. Давлатимиз раҳбари тиббиёт соҳаси вакиллари билан учрашувларда, жумладан, аҳолига ихтисослаштирилган тиббий ёрдамни ташкил этиш ҳолатига танқидий баҳо берган эди.

Бу йўналишдаги ишларни янги босқичга олиб чиқиш, жойларда ихтисослаштирилган тиббий ёрдамни яхшилаш мақсадида Президентимизнинг “Ўзбекистон Республикаси аҳолисига 2017 — 2021 йилларда ихтисослаштирилган тиббий ёрдам кўрсатишни янада ривожлантириш чора-тадбирлари тўғрисида”ги қарори қабул қилинди. Қарор ижроси доирасида ихтисослаштирилган тиббий ёрдам географиясини туман (шаҳар) даражасигача кенгайтириш ва аҳолига ихтисослаштирилган тиббий хизматни яқинлаштириш, тегишли тиббиёт муассасалари моддий-техника базасини мустаҳкамлаш долзарб вазифалардан ҳисобланади.

Худди шундай офтальмология соҳасида ҳам шифокорлар касбий билим ва кўникмаларини юксалтириш, уларнинг жаҳондаги етакчи тиббиёт муассасалари билан ҳамкорлигини кенгайтириш, республикамизнинг чекка ҳудудларидаги тиббиёт муассасаларида офтальмологиянинг замонавий йўналишлари бўйича семинар-тренинг-лар, ўқув-услубий машғулотлар, маҳорат сабоқларининг самарадорлигини оширишга эришмоқ даркор. Токи, олис манзилларда яшовчи одамлар шифо излаб пойтахтга эмас, ўз туманларидаги тиббий муассасаларга интилсин, оилаларда соғлом турмуш қарор топсин, халқимизнинг тиббий хизмат сифатидан кўнгли тўлсин.

Ихтисослаштирилган тиббий ёрдам кўрсатишни янада ривожлантириш борасида назарда тутилган аниқ чора-тадбирларнинг тўлиқ ва изчил бажарилишида биз, халқ вакилларининг иштироки жуда муҳим аҳамият касб этади. Жойларда мазкур соҳада қили-наётган ишларни парламент назорати тартибида ўрганиб, йўл қўйилган камчиликларни ўз вақтида бартараф этиш, шу билан бирга, соҳа қонунчилигини такомиллаштириб бориш орқали юртимизда ҳар бир инсоннинг соғлом ва бахтиёр яшашига ўз ҳиссамизни қўшмоғимиз айни заруратдир.

Холиджон КОМИЛОВ,

Ўзбекистон Республикаси 

Олий Мажлиси

Сенати аъзоси,

Ўзбекистон Қаҳрамони.

 

СЎНГГИ ЯНГИЛИКЛАР