XS.UZ
Ватан тараннуми «Гул олмаган гўзаллар» Истеъдодли ёшлар — юрт келажаги Аграр соҳа ривожида муҳим босқич Касбидан эъзоз топган устоз Ғамхўрликдан обод кўнгиллар Эзгулик зиёси Дўстона ва амалий руҳдаги учрашувлар Депутатлар инсон манфаатларини таъминлашга қаратилган қонун лойиҳаларини кўриб чиқдилар Халқ билан мулоқотнинг ноёб тизими Янги даврни бошлаб берган тарихий ташриф Самимий қутлов Ўзбекистон Президентининг БМТ Бош Ассамблеяси 72-сессиясидаги нутқи жаҳон оммавий ахборот воситалари нигоҳида Янги даврни бошлаб берган тарихий ташриф Самимий қутлов Ўзбекистон Президентининг БМТ Бош Ассамблеяси 72-сессиясидаги нутқи жаҳон оммавий ахборот воситалари нигоҳида Аграр соҳа ривожида муҳим босқич Депутатлар инсон манфаатларини таъминлашга қаратилган қонун лойиҳаларини кўриб чиқдилар Халқ билан мулоқотнинг ноёб тизими Фракцияларда долзарб қонун лойиҳалари кўриб чиқилди Ислом дини бизни эзгулик ва тинчликка, асл инсоний фазилатларни асраб-авайлашга даъват этади Замонавий қурилмалар ва интерактив хизматлар Ҳаракатлар стратегияси: дастлабки натижалар халқимиз ҳаётида намоён бўлмоқда Жаҳон жамоатчилиги Ўзбекистонда кечаётган ўзгаришларни юксак баҳоламоқда Россия Федерацияси делегацияси Самарқандда Тиббий-илмий янгиликлар ва истиқбол Мурожаатлар ижроси бўйича батафсил ахборот берилди Келажак тараққиётимизнинг муҳим омили Тинчлик — энг улуғ неъмат Биохилмахилликни асраш
  • 07 Июль 2017

Ўзбекистон ва Қозоғистон Президентларининг телефон орқали мулоқоти тўғрисида

Ўзбекистон Республикаси Президенти Шавкат Мирзиёев 6 июль куни Қозоғистон Республикаси Президенти Нурсултон Назарбоев билан телефон орқали мулоқот қилди.

Давлатимиз раҳбари суҳбат аввалида Қозоғистон Президентини туғилган куни билан самимий муборакбод этди. 

Ўзбекистонда Президент Нурсултон Назарбоевни жаҳон миқёсидаги буюк давлат арбоби ва улкан сиёсатчи, мамлакатимизнинг яқин дўсти ва ишончли ҳамкори сифатида яхши билиши таъкидланди. 

Бугун давлат ва жамият қурилишининг барча соҳаларида амалга оширилган ва амалга оширилаётган кенг кўламли дастур ва лойиҳалар, рақобатбардош иқтисодиёт, саноат ва қишлоқ хўжалиги тармоқларининг диверсификация ва модернизация қилиш асосида барқарор ривожланаётгани, инфратузилманинг такомиллаштирилаётгани Қозоғистон раҳбарияти томонидан узоқни кўзлаб юритилаётган сиёсатнинг самарадорлигидан далолат беради. 

Қозоғистоннинг халқаро нуфузи муттасил ортиб бормоқда. Июнь ойида ушбу мамлакатда натижаларига кўра тарихий аҳамиятга эга Шанхай ҳамкорлик ташкилоти саммити бўлиб ўтди. 6 июль санаси Пойтахт куни сифатида нишонланадиган, ривожланиб бораётган замонавий Остонада «ЭКСПО — 2017» халқаро ихтисослаштирилган кўргазмаси юксак даражада ўтмоқда. 

Суҳбат чоғида давлат раҳбарлари жорий йилда олий даражадаги учрашувларда эришилган келишувларни амалга оширишнинг муҳим жиҳатларини муҳокама этдилар. 

Барча соҳаларда ўзаро ҳамкорлик фаоллашгани мамнуният билан қайд этилди. Товар айирбошлаш ҳажми кўпайди, Тошкент, Остона ва Олмаота шаҳарлари ўртасида поезд қатнови йўлга қўйилди, пойтахтларимиз ўртасида авиақатнов кўпайди, автобус қатновини қайта тиклаш масаласи кўриб чиқилмоқда. Мамлакатларимиз ҳудудлари ўртасида ўзаро шериклик муносабатлари йўлга қўйилиб, изчил ривожланмоқда. 

Томонлар ўзларини қизиқтирган долзарб минтақавий ва халқаро масалалар юзасидан ҳам фикр алмашдилар. 

Мулоқот сўнгида Ўзбекистон Президенти Қозоғистон раҳбарини яна бир бор самимий табриклаб, мустаҳкам саломатлик, бахт-саодат ва янги муваффақиятлар, қардош Қозоғистон халқига тинчлик ва фаровонлик тилади. 

Суҳбат анъанавий самимийлик ва дўстона руҳда ўтди. 

ЎзА.

 

Кўриш қобилияти чекланганлар учун

A- A A+

Кўп ўқилган