XS.UZ
Янги даврни бошлаб берган тарихий ташриф Самимий қутлов Ўзбекистон Президентининг БМТ Бош Ассамблеяси 72-сессиясидаги нутқи жаҳон оммавий ахборот воситалари нигоҳида Аграр соҳа ривожида муҳим босқич Депутатлар инсон манфаатларини таъминлашга қаратилган қонун лойиҳаларини кўриб чиқдилар Халқ билан мулоқотнинг ноёб тизими Фракцияларда долзарб қонун лойиҳалари кўриб чиқилди Ислом дини бизни эзгулик ва тинчликка, асл инсоний фазилатларни асраб-авайлашга даъват этади Замонавий қурилмалар ва интерактив хизматлар Ҳаракатлар стратегияси: дастлабки натижалар халқимиз ҳаётида намоён бўлмоқда Жаҳон жамоатчилиги Ўзбекистонда кечаётган ўзгаришларни юксак баҳоламоқда Россия Федерацияси делегацияси Самарқандда Тиббий-илмий янгиликлар ва истиқбол Мурожаатлар ижроси бўйича батафсил ахборот берилди Келажак тараққиётимизнинг муҳим омили Тинчлик — энг улуғ неъмат Биохилмахилликни асраш Илғор тажрибалар оммалаштирилаяпти Ҳарбий спортчилар: «Муваффақиятларимиз — жонажон Ватанимизга чексиз меҳр-муҳаббатимиз ифодаси» Вакилларимизнинг муносиб иштироки Яна бир нуфузли мусобақа Маърифат чароғбони Ўзбекистон Республикаси Президентининг АҚШга ташрифи самарали бўлди Ўзбекистон — АҚШ бизнес форуми Россия Федерацияси делегацияси ташрифи Ўзбекистон — дунё нигоҳида Тараққиёт ва фаровонлик йўлида Орол фожиаси — глобал муаммо Бюрократик тўсиқлар барҳам топмоқда Яхши қўшничилик ва мустаҳкам дўстлик ифодаси
  • 11 Сентябрь 2017

Очиқ осмон остидаги концерт

Алишер Навоий номидаги Ўзбекистон давлат академик катта театрининг янги 88-ижодий мавсуми очилиши муносабати билан пойтахтимизда I Миллий симфоник “Open air” концерти бўлиб ўтди.

Унинг ўзига хослиги шундаки, барча классик куй-қўшиқлар театр саҳнасида эмас, балки махсус барпо қилинган майдонда, турли ёритиш ускуналари, декорациялар, махсус лазер технологиялари, камалакранг тусдаги фаввора фонида ижро этилди. Очиқ осмон остида юртдошларимиз, хорижлик меҳмонлар, умуман, санъат шинавандалари учун энг -дилрабо тароналар янгради.

Тадбирда сўзга чиққанлар мамлакатимизда маданият ва санъат соҳаси ривожига қаратилаётган юксак эътибор ҳақида сўз юритишди. Жумладан, Президентимиз Шавкат Мирзиёев томонидан жорий йилнинг 3 август куни республикамиз ижодкор зиёлилари вакиллари билан учрашуви чоғида ижодий ташкилотларни янада қўллаб-қувватлаш мақсадида “дўстлари клуби” тузилиб, унга юртимизнинг етакчи компаниялари, банклари, корхоналари ҳомий сифатида бириктирилгани соҳа тараққиётини таъминлашга хизмат қилаётгани алоҳида таъкидланди.

Ўзбекистон Республикаси Маданият вазирлиги ҳамда Алишер Навоий номидаги Ўзбекистон давлат академик катта театри томонидан “TOP Congress” компанияси кўмагида уюштирилган концерт дастурида “Дилором”, “Тоҳир ва Зуҳра”, “Гўзал Тошкентим” каби опералардан ариялар ижро этилди. Штраус, Чайковский, Кальман, Гершвин сингари мумтоз композиторлар томонидан яратилган мусиқий асарлар кечага -янада файз киритди.

— Томошабинлар икки кун мобайнида санъатнинг энг гўзал намуналаридан баҳраманд бўлишди, — дейди театр дирижёри Бобомурод Худойқулов. — Дастурларимиздан ўрин олган опера ва балет намойиши, шу билан бирга, Консуэла Веласкес Торреснинг “Besame Mucho”, Андреа Бочеллининг “Love in Portofino” тароналари ҳамда шу каби бошқа қўшиқлар ҳам барчага манзур келганидан мамнунмиз.

О. ЛУТФУЛЛАЕВ.

 

Кўриш қобилияти чекланганлар учун

A- A A+

Кўп ўқилган