Самарқандда Ислом Каримов ҳайкали очилди
XS.UZ
Президент қарори: Ўзбек миллий мақом санъати маркази ташкил этилади Ўзбек миллий мақом санъатини янада ривожлантириш чора-тадбирлари тўғрисида Шавкат Мирзиёев Мун Чжэ Иннинг таклифига биноан 22-25 ноябрь кунлари давлат ташрифи билан Корея Республикасида бўлади Бош прокуратура қошида Ахборот-таҳлил мультимедиа маркази ташкил этилади Ўзбeкистон ва Грузия сиёсий маслаҳатлашувлар ўтказди Шавкат Мирзиёев навбатга ёзилиш учун электрон тизим жорий қилинган оилавий поликлиникага борди Шавкат Мирзиёев: ҳар бир маҳалладаги профилактика инспектори ўрнига уч нафар энг профессионал ходим саралаб олиб бириктирилади Энди электр таъминоти корхонаси вакилини онлайн чақириш мумкин Тошкент шаҳрининг ҳар бир туманида 10 тадан сузиш ҳавзаси қурилиши мумкин Президент Сергели туманидаги 55-сонли мактаб фаолияти билан танишди Президентга Хусусий уй-жойларга хизмат кўрсатувчи профессионал бошқарув компанияси фаолияти ҳақида маълумот берилди ЖССТ экспертлари силга қарши курашиш бўйича Ўзбекистон тажрибасини юқори баҳолашди Шавкат Мирзиёев: бу уйларни бировларга кўз-кўз қилиш учун эмас, аҳоли манфатларини ўйлаб бунёд этмоқдамиз Наманганда ўтказилган бўш иш ўринлари ярмаркасида 135 фуқаро ишли бўлди Шавкат Мирзиёев Сергели туманига ташриф буюради Президент қарори: ЎзМУда “Таэквондо ва спорт фаолияти” факультети ташкил этилади Президент фармони: 2018 йил 1 январдан бошлаб истеъмол қилинадиган сув учун олдиндан ҳақ тўланади Президент қарори: алоҳида иқтидор талаб этиладиган муайян соҳаларга тест синовлари бекор қилинди Маҳаллийлаштириш дастури самаралари Ўзбекистон — умумий уйимиз Осойишталик учун курашиш керак Ислом — тинчлик ва эзгулик дини Республика олий таълим муассасалари бакалавриатига кириш тест синовларини ўтказиш тартибини такомиллаштириш тўғрисида Сув таъминоти ва сув чиқариш хизмати кўрсатиш соҳасида тўлов интизомини тубдан такомиллаштириш чора-тадбирлари тўғрисида Мирзо Улуғбек номидаги Ўзбекистон Миллий университети таркибида “Таэквондо ва спорт фаолияти” факультетини ташкил этиш тўғрисида Манфаатли ҳамкорлик алоқаларни ривожлантириш масалалари муҳокама этилди Рустам Жангабоевга Президент совғаси – “Nexia” автомобилининг калити топширилди Термизда Афғонистон фуқароларини ўқитиш маркази очилади Самарқандда замонавий стандартларга мос туристик автобуслар ишлаб чиқарилади Самарқандда “Volkswagen” машиналари ишлаб чиқарилади
  • 03 Сентябрь 2017

Самарқандда Ислом Каримов ҳайкали очилди

Мамлакатимизда мустақиллигимизнинг 26 йиллигига бағишланган байрам тантаналарининг улуғвор руҳияти юртдошларимиз қалбини улкан қувонч, чексиз ғурур ва фахр-ифтихор билан тўлдираётган шу кунларда Биринчи Президентимиз Ислом Каримов хотирасига юксак эъзоз ва эҳтиром кўрсатилмоқда.

Биринчи Президентимизга беқиёс миннатдорлик рамзи сифатида 31 август куни пойтахтимизда мустақил Ўзбекистон давлатининг асосчиси, буюк давлат ва сиёсат арбоби Ислом Каримовнинг улуғвор ҳайкали очилган эди. Шундай маросим 2 сентябрь куни Самарқанд шаҳрида бўлиб ўтди.

Ўзбекистон Республикаси Президенти Шавкат Мирзиёев ушбу тадбирда иштирок этиш учун Самарқандга ташриф буюрди.

Давлатимиз раҳбари дастлаб Ислом Каримов қабрини зиёрат қилди. Қуръон тиловат қилинди.

Самарқанд рамзи бўлган Регистон майдони ёнидаги хиёбонда, Ислом Каримов туғилиб ўсган хонадон яқинида Биринчи Президентимизга ҳайкал ўрнатилган. Бу ерга ҳукумат аъзолари, давлат ҳамда жамоат ташкилотлари вакиллари, вилоят фаоллари, нуронийлар, ёшлар, оммавий ахборот воситалари ходимлари таклиф этилди.

Маросимда Ўзбекистон Республикаси Президенти Шавкат Мирзиёев нутқ сўзлади.

Ислом Каримов Истиқлолимиз меъмори, янги давлатчилигимизнинг асосчиси, одил сиёсатчи, прагматик ислоҳотчи, халқпарвар ва инсонпарвар раҳбар эди. Шу боис нафақат халқимиз орасида, балки бутун дунёда катта ҳурмат ҳамда эътирофга сазовор бўлганди.

Унинг ғайрат-шижоати, қатъияти, адолатпарварлиги, она-Ватанга буюк садоқати ва муҳаббати, элим деб, юртим деб ёниб яшагани бизга ҳамда келажак авлодларга ибрат намунаси бўлиб қолаверади.

Шавкат Мирзиёев ва Биринчи Президентимизнинг турмуш ўртоғи Татьяна Каримова Ислом Каримов ҳайкалини очди. Буюк Йўлбошчимиз ҳайкали пойига гул қўйиб, унинг хотирасига ҳурмат бажо келтирди.

Ўзбекистон Республикаси Давлат мадҳияси янгради.

Давлатимиз раҳбарининг 2017 йил 25 январдаги “Ўзбекистон Республикасининг Биринчи Президенти Ислом Абдуғаниевич Каримовнинг хотирасини абадийлаштириш тўғрисида”ги қарорига мувофиқ, Ислом Каримов сиймосини яратиш бўйича халқаро ижодий танловда ғолиб, деб топилган ҳайкалларни мамлакатимиз пойтахти Тошкент шаҳрида, Ислом Каримов туғилиб ўсган Самарқанд шаҳрида ҳамда у киши биринчи -раҳбар бўлиб ишлаган Қашқадарё вилоятининг Қарши шаҳрида ўрнатиш белгиланган эди.

Самарқанд шаҳрида очилган ҳайкал элу юртимизнинг Ислом Каримовга юксак ҳурмати ва меҳр-муҳаббатининг яна бир ифодаси бўлди. Маросимда “Нуроний” жамғармаси Самарқанд вилояти бўлими раиси, “Эл-юрт ҳурмати” ордени соҳиби Ҳ. Нормуродов, “Зарафшон” ҳамда “Самаркандский вестник” газеталари бош муҳаррири Ф. Тошев, Самарқанд шаҳридаги 43-ихтисослаштирилган мактаб директори Е. Компольшик, Ўзбекистон халқ шоири С. Саййид, Ўзбекистон давлат жаҳон тиллари университети талабаси, Зулфия номидаги Давлат мукофоти совриндори Д. Олимова, Биринчи -Президентимизнинг рафиқаси Татьяна Каримова Ислом Каримов билан боғлиқ хотираларини ёдга олди.

Биринчи Президентимиз ҳайкали пойи гулларга бурканди.

Давлатимиз раҳбари Шавкат Мирзиёев Ислом Каримов туғилиб ўсган хонадонга ташриф буюрди. Қуръон тиловат қилиниб, элга эҳсон дастурхони ёзилди.

— Ислом Каримов қийин бир давр — ўтган асрнинг 80-йиллари охирида, мамлакатимиз ўта мураккаб вазиятга тушиб қолганда бошқарувни қўлга олди, — дейди самарқандлик меҳнат фахрийси Яхшинор Аллаёров. — Биринчи Президентимиз Ватанимиз равнақи йўлида фидокорлик ва жасорат кўрсатиб, юксак ирода соҳиби, буюк қалб эгаси сифатида ўз халқини тинч, осуда ҳаётга олиб чиқди, бугунги кунда бундай эзгу ишлар давом этаётганлиги эса барчамизни ғурурлантиради. У кишининг ҳайкали ушбу манзилга ўрнатилишида ҳам рамзий маъно бор. Чунки соҳибқирон Амир Темур ҳайкали Самарқанд шаҳрига ўрнатилаётганда, Биринчи Президентимиз “Бобомиз ўзи қурган биноларга қараб турсин” деган мазмунда ҳайкалнинг жойини танлаган эдилар. Буни қарангки, бугун Ислом Каримов сиймоси янгиланган, ўтмиши ва бугуни уйғунлашган Самарқандга ҳамда Амир Темур бобомиз ҳайкалига боқиб турибди.

Мамадиёр ЗИЁДИНОВ,

«Халқ сўзи» мухбири.

Сарвар ЎРМОНОВ ва

Алишер ИСРОИЛОВ (ЎзА) олган суратлар.

 

СЎНГГИ ЯНГИЛИКЛАР