Ўзбекистон байроғи Нью-Йоркнинг молиявий маркази узра баланд ҳилпирамоқда
XS.UZ
Президент қарори: Ўзбек миллий мақом санъати маркази ташкил этилади Ўзбек миллий мақом санъатини янада ривожлантириш чора-тадбирлари тўғрисида Шавкат Мирзиёев Мун Чжэ Иннинг таклифига биноан 22-25 ноябрь кунлари давлат ташрифи билан Корея Республикасида бўлади Бош прокуратура қошида Ахборот-таҳлил мультимедиа маркази ташкил этилади Ўзбeкистон ва Грузия сиёсий маслаҳатлашувлар ўтказди Шавкат Мирзиёев навбатга ёзилиш учун электрон тизим жорий қилинган оилавий поликлиникага борди Шавкат Мирзиёев: ҳар бир маҳалладаги профилактика инспектори ўрнига уч нафар энг профессионал ходим саралаб олиб бириктирилади Энди электр таъминоти корхонаси вакилини онлайн чақириш мумкин Тошкент шаҳрининг ҳар бир туманида 10 тадан сузиш ҳавзаси қурилиши мумкин Президент Сергели туманидаги 55-сонли мактаб фаолияти билан танишди Президентга Хусусий уй-жойларга хизмат кўрсатувчи профессионал бошқарув компанияси фаолияти ҳақида маълумот берилди ЖССТ экспертлари силга қарши курашиш бўйича Ўзбекистон тажрибасини юқори баҳолашди Шавкат Мирзиёев: бу уйларни бировларга кўз-кўз қилиш учун эмас, аҳоли манфатларини ўйлаб бунёд этмоқдамиз Наманганда ўтказилган бўш иш ўринлари ярмаркасида 135 фуқаро ишли бўлди Шавкат Мирзиёев Сергели туманига ташриф буюради Президент қарори: ЎзМУда “Таэквондо ва спорт фаолияти” факультети ташкил этилади Президент фармони: 2018 йил 1 январдан бошлаб истеъмол қилинадиган сув учун олдиндан ҳақ тўланади Президент қарори: алоҳида иқтидор талаб этиладиган муайян соҳаларга тест синовлари бекор қилинди Маҳаллийлаштириш дастури самаралари Ўзбекистон — умумий уйимиз Осойишталик учун курашиш керак Ислом — тинчлик ва эзгулик дини Республика олий таълим муассасалари бакалавриатига кириш тест синовларини ўтказиш тартибини такомиллаштириш тўғрисида Сув таъминоти ва сув чиқариш хизмати кўрсатиш соҳасида тўлов интизомини тубдан такомиллаштириш чора-тадбирлари тўғрисида Мирзо Улуғбек номидаги Ўзбекистон Миллий университети таркибида “Таэквондо ва спорт фаолияти” факультетини ташкил этиш тўғрисида Манфаатли ҳамкорлик алоқаларни ривожлантириш масалалари муҳокама этилди Рустам Жангабоевга Президент совғаси – “Nexia” автомобилининг калити топширилди Термизда Афғонистон фуқароларини ўқитиш маркази очилади Самарқандда замонавий стандартларга мос туристик автобуслар ишлаб чиқарилади Самарқандда “Volkswagen” машиналари ишлаб чиқарилади
  • 08 Сентябрь 2017

Ўзбекистон байроғи Нью-Йоркнинг молиявий маркази узра баланд ҳилпирамоқда

2017 йил 2 сентябрь куни Нью-Йоркнинг молиявий маркази — Уолл-стритда мамлакатимиз мустақиллигининг 26 йиллиги шарафига Ўзбекистоннинг Давлат байроғи кўтарилиши муносабати билан тантанали маросим бўлиб ўтди.

Ўзбекистоннинг Бирлашган Миллатлар Ташкилоти ҳузуридаги доимий ваколатхонаси ва мамлакатимизнинг Нью-Йоркдаги бош консуллиги томонидан Туркистон — Америка ассоциацияси билан ўзаро ҳамкорликда ташкил этилган мазкур тадбирда Нью-Йоркнинг ижтимоий-сиёсий доиралари, оммавий ахборот воситалари, ўзбек диаспораси вакиллари ҳамда шаҳар аҳолиси ва меҳмонлари қатнашди.

Кўплаб юртдошларимиз маросимга ўзбек миллий либосларида келдилар. Мамлакатимиз Давлат мадҳияси садолари остида Ўзбекистон Давлат байроғи баланд кўтарилди.

Тантанали маросим чоғида Ўзбекистон Республикаси сиёсий ҳамда ижтимоий-иқтисодий соҳаларда, давлат ва жамият қурилишини такомиллаштириш, хавфсизликни таъминлаш ҳамда демократик ўзгаришларни ҳаётга татбиқ қилиш, миллатлараро ҳамжиҳатлик ва диний бағрикенглик, конструктив мулоқот ҳамда ўзаро манфаатли ҳамкорлик тамойилларига асосланган вазмин ва тинчликсевар ташқи сиёсат юритиш борасида салмоқли муваффақиятларни қўлга киритгани таъкидланди.

Унда Президент Шавкат Мирзиёев раҳбарлигида олиб борилаётган ислоҳотларга, жумладан, 2017 — 2021 йилларда Ўзбекистон Республикасини ривожлантиришнинг -бешта устувор йўналиши бўйича Ҳаракатлар стратегияси доирасида амалга оширилаётган ўзгаришларга алоҳида эътибор қаратилди. Шунингдек, Ўзбекистон кўз қорачиғидек асраладиган ҳамда қадрланадиган бой маданий-тарихий меросга эга эканлиги қайд этилди.

Тантанали маросимда сўзга чиққан Туркистон — Америка ассоциацияси раиси Абдулла Хўжа Ўзбекистон Республикасининг Биринчи Президенти Ислом Каримов хотирасига ҳурмат бажо келтириб бир дақиқа сукут сақлашни таклиф қилди. У Америка Қўшма Штатларида яшайдиган ўзбекистонликлар республикамиз мустақиллигининг 26 йиллиги байрамини катта шодлик ҳамда фахр билан нишонлаётганини айтиб ўтди.

— Ўзбек халқи ишонч билан эркинлик ва фаровонлик йўлидан бормоқда, — деди Туркистон — Америка ассоциацияси раиси Абдулла Хўжа. — Бугунги кунда -мустақиллик туфайли Ер юзининг барча қитъасида, дунёнинг каттаю кичик шаҳарларида, жумладан, Нью-Йоркда ҳам Ўзбекистон байроғи мағрур ҳилпираб турибди.

Тинчлик, барқарорлик, миллатлараро ва динлараро ҳамжиҳатлик ҳамда бирдамлик таъминлангани Ўзбекистон мустақиллик йилларида қўлга киритган энг улкан ютуқлардан бири эканлиги сўзга чиққанлар томонидан эътироф этилди. Таъкидланганидек, юртимизда маънавий қадриятлар, Ўзбекистон ҳудудида истиқомат қиладиган халқларнинг урф-одат ва анъаналари қайта тикланди.

Маросимнинг кўп сонли иштирокчилари олдида анъанавий ўзбек халқ ашула ҳамда рақсларидан иборат маданий дастурнинг миллий либосларда намойиш этилгани жаҳоннинг турли бурчакларидан келган юзлаб сайёҳлар эътиборини ҳам жалб қилди. Шу тариқа улар Ўзбекистон Республикаси давлат мустақиллиги байрами Нью-Йоркда тантанали равишда, ўзига хос шукуҳ билан нишонланганининг гувоҳига айланишди.

Ўзбекистон Республикасининг Давлат байроғи 7 кун мобайнида Уолл-стрит узра ҳилпирайди.

«Жаҳон» АА.

Нью-Йорк

СЎНГГИ ЯНГИЛИКЛАР