XS.UZ
Янги даврни бошлаб берган тарихий ташриф Самимий қутлов Ўзбекистон Президентининг БМТ Бош Ассамблеяси 72-сессиясидаги нутқи жаҳон оммавий ахборот воситалари нигоҳида Аграр соҳа ривожида муҳим босқич Депутатлар инсон манфаатларини таъминлашга қаратилган қонун лойиҳаларини кўриб чиқдилар Халқ билан мулоқотнинг ноёб тизими Фракцияларда долзарб қонун лойиҳалари кўриб чиқилди Ислом дини бизни эзгулик ва тинчликка, асл инсоний фазилатларни асраб-авайлашга даъват этади Замонавий қурилмалар ва интерактив хизматлар Ҳаракатлар стратегияси: дастлабки натижалар халқимиз ҳаётида намоён бўлмоқда Жаҳон жамоатчилиги Ўзбекистонда кечаётган ўзгаришларни юксак баҳоламоқда Россия Федерацияси делегацияси Самарқандда Тиббий-илмий янгиликлар ва истиқбол Мурожаатлар ижроси бўйича батафсил ахборот берилди Келажак тараққиётимизнинг муҳим омили Тинчлик — энг улуғ неъмат Биохилмахилликни асраш Илғор тажрибалар оммалаштирилаяпти Ҳарбий спортчилар: «Муваффақиятларимиз — жонажон Ватанимизга чексиз меҳр-муҳаббатимиз ифодаси» Вакилларимизнинг муносиб иштироки Яна бир нуфузли мусобақа Маърифат чароғбони Ўзбекистон Республикаси Президентининг АҚШга ташрифи самарали бўлди Ўзбекистон — АҚШ бизнес форуми Россия Федерацияси делегацияси ташрифи Ўзбекистон — дунё нигоҳида Тараққиёт ва фаровонлик йўлида Орол фожиаси — глобал муаммо Бюрократик тўсиқлар барҳам топмоқда Яхши қўшничилик ва мустаҳкам дўстлик ифодаси
  • 13 Сентябрь 2017

Тадбиркорларнинг яқин кўмакчиси

 

Қашқадарё вилоятининг 13 та тумани ва Қарши шаҳрида Тадбиркорликни қўллаб-қувватлаш марказлари иш бошлади.

Президентимизнинг 2017 йил 19 июндаги “Бизнеснинг қонуний манфаатлари давлат томонидан муҳофаза қилиниши ва тадбиркорлик фаолиятини янада ривожлантириш тизимини тубдан такомиллаштиришга доир чора-тадбирлар тўғрисида”ги Фармонига мувофиқ, Ўзбекистон Республикаси Савдо-саноат палатасининг шаҳар ҳамда туман бўлимларида ташкил этилган мазкур марказлар тадбиркорларга кўрсатилаётган хизматлар кўлами кенглиги билан алоҳида ажралиб туради. Мисол учун, ишбилармон муҳандислик-коммуникация тармоқларига уланиш ниятида бўлса, марказ томонидан унга керакли ахборотларни олиш, рўйхатдан ўтказиш, рухсат бериш, лицензиялаш каби давлат хизматларидан фойдаланишда зарур кўмак кўрсатилади.

Эндиликда тадбиркор бўлишни истаганлар бизнес-режа ишлаб чиқишда, шунингдек, лизинг, суғурта ва баҳолаш хизматларидан фойдаланиш учун зарур ҳужжатларни тайёрлаш масаласида ёрдам сўраб ушбу марказга мурожаат қилишлари мумкин. Бундан ташқари, бу ерга келувчиларга ускуналар, минитехнологиялар ва уларни хорижий давлатлардан олиб кириш тартиби ҳақида батафсил маълумот олиш имконияти яратилди.

— Ўзбекистон Савдо-саноат палатаси — юртимиздаги барча тадбиркорлик субъектини бирлаштирувчи нодавлат нотижорат ташкилотидир, — дейди унинг Қашқадарё вилояти ҳуду-

дий бошқармаси бошлиғи Саъдулла Бобоқулов. — Президентимизнинг Фармонига асосан, ушбу тузилма ваколати оширилиб, зиммасига қўшимча вазифалар юклатилгани фаолиятимизни янада кенгайтириши баробарида, тадбиркорлар билан ишлаш, улар ҳуқуқларини ҳимоялаш тизимини тубдан яхшилашга мустаҳкам замин яратди. Жумладан, эндиликда Савдо-саноат палатаси махсус эксперт кенгашларини ташкил этиш, қолаверса, қабул қилинган меъёрий-ҳуқуқий ҳужжатлардаги ноаниқликлар ва турлича ёндашувларни бартараф этиш бўйича ваколатли давлат органларига мажбурий жавоб талаб қилинадиган ёзма сўровномаларни тақдим этиш ҳуқуқига эга. Бошқача айтганда, ташкилот ҳукуматимиз томонидан чиқарилаётган ҳуқуқий ҳужжатларда кичик бизнес ва хусусий тадбиркорлик субъектлари манфаатлари ифода этилишини таъминлашда қатнашади.

Айни пайтда ушбу марказлар Ўзбекистон Республикаси Адлия вазирлиги тизимида “ягона дарча” тамойили асосида тадбиркорлик субъектларига давлат хизматлари кўрсатиш бўйича ягона марказлар билан қўшма жойлаштириш тизими доирасида иш олиб бормоқда. Ишбилармонлик муҳитини сифат жиҳатидан юксалтиришга қаратилган бу каби ислоҳотлар келгусида тадбиркорлик субъектлари сафининг янада кенгайиши, жойларда юқори қувватга эга ишлаб чиқариш корхоналари, замонавий хизмат кўрсатиш -шохобчалари барпо этилишига мустаҳкам пойдевор яратади.

Аҳад МУҲАММАДИЕВ,

«Халқ сўзи» мухбири.

 

Кўриш қобилияти чекланганлар учун

A- A A+