Қайта ишлаш саноати: истеъмолчи ҳам, тадбиркор ҳам манфаатдор
XS.UZ
Президент қарори: Ўзбек миллий мақом санъати маркази ташкил этилади Ўзбек миллий мақом санъатини янада ривожлантириш чора-тадбирлари тўғрисида Шавкат Мирзиёев Мун Чжэ Иннинг таклифига биноан 22-25 ноябрь кунлари давлат ташрифи билан Корея Республикасида бўлади Бош прокуратура қошида Ахборот-таҳлил мультимедиа маркази ташкил этилади Ўзбeкистон ва Грузия сиёсий маслаҳатлашувлар ўтказди Шавкат Мирзиёев навбатга ёзилиш учун электрон тизим жорий қилинган оилавий поликлиникага борди Шавкат Мирзиёев: ҳар бир маҳалладаги профилактика инспектори ўрнига уч нафар энг профессионал ходим саралаб олиб бириктирилади Энди электр таъминоти корхонаси вакилини онлайн чақириш мумкин Тошкент шаҳрининг ҳар бир туманида 10 тадан сузиш ҳавзаси қурилиши мумкин Президент Сергели туманидаги 55-сонли мактаб фаолияти билан танишди Президентга Хусусий уй-жойларга хизмат кўрсатувчи профессионал бошқарув компанияси фаолияти ҳақида маълумот берилди ЖССТ экспертлари силга қарши курашиш бўйича Ўзбекистон тажрибасини юқори баҳолашди Шавкат Мирзиёев: бу уйларни бировларга кўз-кўз қилиш учун эмас, аҳоли манфатларини ўйлаб бунёд этмоқдамиз Наманганда ўтказилган бўш иш ўринлари ярмаркасида 135 фуқаро ишли бўлди Шавкат Мирзиёев Сергели туманига ташриф буюради Президент қарори: ЎзМУда “Таэквондо ва спорт фаолияти” факультети ташкил этилади Президент фармони: 2018 йил 1 январдан бошлаб истеъмол қилинадиган сув учун олдиндан ҳақ тўланади Президент қарори: алоҳида иқтидор талаб этиладиган муайян соҳаларга тест синовлари бекор қилинди Маҳаллийлаштириш дастури самаралари Ўзбекистон — умумий уйимиз Осойишталик учун курашиш керак Ислом — тинчлик ва эзгулик дини Республика олий таълим муассасалари бакалавриатига кириш тест синовларини ўтказиш тартибини такомиллаштириш тўғрисида Сув таъминоти ва сув чиқариш хизмати кўрсатиш соҳасида тўлов интизомини тубдан такомиллаштириш чора-тадбирлари тўғрисида Мирзо Улуғбек номидаги Ўзбекистон Миллий университети таркибида “Таэквондо ва спорт фаолияти” факультетини ташкил этиш тўғрисида Манфаатли ҳамкорлик алоқаларни ривожлантириш масалалари муҳокама этилди Рустам Жангабоевга Президент совғаси – “Nexia” автомобилининг калити топширилди Термизда Афғонистон фуқароларини ўқитиш маркази очилади Самарқандда замонавий стандартларга мос туристик автобуслар ишлаб чиқарилади Самарқандда “Volkswagen” машиналари ишлаб чиқарилади
  • 12 Сентябрь 2017

Қайта ишлаш саноати: истеъмолчи ҳам, тадбиркор ҳам манфаатдор

Бугун халқимиз қишлоқ хўжалиги маҳсулотларини қайта ишлаш орқали катта даромад олиш мумкинлигини яхши билади. Юртимизда мазкур тармоқнинг йил сайин ривож топаётгани боиси ҳам шунда! 

Ваҳолонки, яқин-яқингача заминимизда етиштирилган дала неъматларининг озгина қисми қайта ишлангани ҳеч кимга сир эмас. Ҳозирги кунга келиб эса тадбиркорларимиз томонидан ўнлаб хилдаги мева-сабзавот замонавий технологиялар асосида тайёр маҳсулот ҳолига келтирилаяпти.

Биргина мисол. Авваллари кунгабоқар пистасига кўча ва хиёбонлар бўйларида қоғозга ўраб сотиладиган оддий эрмак сифатида қаралар эди. Шу сабабли унинг сифати ва тозалиги тегишли тартибда назорат қилинмасди. Энди-чи? Айни пайтда ушбу қуёшсевар ўсимлик ҳосили ҳам илғор дастгоҳлар ёрдамида қайта ишланаяпти. Сўнг бежирим идишларга қадоқланиб, ички ва ташқи бозорга чиқарилмоқда. Муҳими, бундан истеъмолчилар ҳам, сотувчилар ҳам, ишлаб чиқарувчилар ҳам бирдек манфаатдор!

Сирдарё вилоятидаги “Бек” бирлашмасига қарашли “Сирдарьинский берег” қўшма корхонаси ана шундай фаолият турига ихтисослаштирилган. Юртимизда биринчилардан бўлиб кунгабоқар пистасини тайёр маҳсулот ҳолига келтиришга киришган мазкур тадбиркорлик субъекти қисқа муддатда харидорлар эътиборига тушиб улгурди. Натижада саноат субъектининг имкониятлари тобора кенгайиб бормоқда. Чунончи, дастлаб бу ерда 6 киши ишлаган бўлса, ҳозирги пайтга келиб, жамоа аъзолари сони 141 нафарга етган. Бундан ташқари, корхонада ерёнғоқ, ошқовоқ уруғи, олма, чилонжийда ва бошқа меваларни қайта ишлаш ҳамда қовун қоқилари тайёрлаш йўлга қўйилди. Бинобарин, кунгабоқар пистаси ва ерёнғоқни саноат усулида чақиш ҳам ўзлаштирилди. Айни чоғда бундай илғор усулда пўстидан тозаланган маҳсулотлар юртимиздаги қандолатчилик субъектларига етказиб берилаётир. Ўз навбатида, хориждан тушаётган буюртмалар ҳажми ҳам ортиб бораяпти. 

— Шу кунгача қарийб 3 миллион АҚШ доллари миқдоридаги экспорт амалиётини бажардик, — дейди қўшма корхона бош директори Ботир Исмоилов. — Йил охиригача мазкур кўрсаткич бир неча баробар ошиши кутилаяпти. Бунинг учун имкониятларимиз етарли. Технологияларимиз бозор талабларига мос ҳолда янгилаб борилмоқда. Шу билан бирга, қишлоқ хўжалиги маҳсулотларини қайта ишлаш бўйича янги-янги лойиҳалар устида ҳам изчил иш олиб бораяпмиз.

Яқинда корхонага тежамкор ва самарадорлиги юқори бир неча ускуналар келтириб ўрнатилди. Қиймати 956 минг АҚШ долларига тенг, хом ашёни бир йўла саралаб, ювиб, қовуриб, қуритиб, тузлаб ва ниҳоят қадоқлаб берадиган илғор линия — шулардан бири. Сўнгги русумдаги фотосаралагич қурилмаси эса  18 та камерага эга. Ушбу восита қўлланила бошлагач, маҳсулотларни саралаш сифати янада юқори даражага кўтарилди. 

Модернизациялаш ишларига сарфланаётган харажатнинг асосий қисми тадбиркорлик субъектларига яратилган солиқ ва божхона имтиёзларидан тўпланган маблағ ҳисобидан қопланмоқда.

Таъкидлаш лозимки, “Сирдарьинский берег”га етказиб берилаётган кунгабоқар пистаси, дуккакли ўсимликлар ҳосили, ошқовоқ уруғи сингари хом ашёлар “Бек” бирлашмасининг 664 гектарлик даласида такрорий экин сифатида етиштирилаяпти. Шунингдек, бу борада фермер хўжаликлари, томорқа эгалари билан ҳам шартнома асосида ҳамкорлик қилинаётир. Шу билан бирга, корхона томонидан 20 гектар майдонда гидропоника усулидаги иссиқхона ташкил этиш ҳаракатлари ҳам бошлаб юборилган.

Қувонарлиси, бугунги кунда вилоятда қишлоқ хўжалиги маҳсулотларини қайта ишлашга ихтисослаштирилган бундай субъектлар сони тобора ортиб бормоқда. Кўплаб истиқболли лойиҳалар ҳаётга татбиқ этилаяпти. Масалан, “Ўзбекистон темир йўллари” акциядорлик жамиятига қарашли “Сардоба темир йўл агросаноат мажмуаси” унитар корхонаси томонидан балиқчилик, чорвачилик, мева-сабзавотни қайта ишлаш, сут маҳсулотлари ва омихта ем ишлаб чиқаришни йўлга қўйиш режалаштирилган бўлса, Сардоба сув омбори ва Мирзаобод тумани ҳудудида ташкил этиладиган мажмуада балиқни қайта ишлаш заводини қуриш мўлжалланган. Шунингдек, Сардоба мева-сабзавотлар логистика марказида ҳам дала неъматларини етиштириш, саралаш, сақлаш каби жараёнлар билан бир қаторда, уларни қайта ишлаш ҳам жорий этилади. 

Албатта, бундай эзгу саъй-ҳаракатлар бутун Мирзачўл воҳасини қамраб олгани ҳудудлар ижтимоий-иқтисодий тараққиётини таъминлайди. Ислоҳотлардан кўзланган устувор мақсад эса инсон манфаатлари, юртдошларимизнинг бахтиёр ва фаровон ҳаёт кечиришини таъминлашдан иборатдир. 

Аҳмадали ШЕРНАЗАРОВ,

«Халқ сўзи» мухбири.

Ҳасан ПАЙДОЕВ олган сурат.

СЎНГГИ ЯНГИЛИКЛАР