XS.UZ
Мамлакатимиз тўқимачилик ва енгил саноатининг экспорт салоҳияти Ўзбекистон — Туркия: Икки томонлама ҳамкорликни мустаҳкамлашда муҳим қадам «Ўзбекистон янги марраларни кўзламоқда» Шанхай ҳамкорлик ташкилотига аъзо давлатлар Адлия вазирларининг бешинчи мажлиси тўғрисида ахборот Ёш халқаро шахмат устаси Жавоҳир Синдоровга Президентимиз совғаси топширилди Битим имзоланди Сўз ва амал уйғунлиги — улуғ фазилат Тил — миллат кўзгуси Корхона ривожи таъминланади Илм-фан фидойисига эҳтиром Ер — бебаҳо хазина Тафаккур дунёсига йўл Олтинкўлда ХVI-XVII асрларга тааллуқли тангалар топилди Замонавий шифохона Жаҳон чемпионати совриндори Нуфузли мусобақа арафасида Тажрибали рақибидан устун келди “Халқ сўзи” ва “Народное слово” таҳририяти ходимлари пахта йиғим-теримида фаол иштирок этмоқда Агрепина Шин Ўзбекистон Республикаси Мактабгача таълим вазири ЕТТБ тадбиркорлик субъектлари учун кредитлар тақдим этади Депутатлар ислоҳотларнинг ҳуқуқий базасини янада такомиллаштиришга қаратилган қонун лойиҳаларини кўриб чиқдилар Инновацион ишланмалар нефтни қайта ишлаш соҳаси ривожини жадаллаштиради Савдо-иқтисодий муносабатлар янада мустаҳкамланади Ҳарбийларимиз “Кембрия патрули” халқаро танловида совриндор бўлди «Ўзбекистоннинг тенг ҳуқуқли фуқаросиман!» Мактабгача таълим соҳасида замонавий тизим яратилади Илғор тажрибалар ва бозор механизмлари Юртимизда яратилаётган кенг имкониятлар Токиода муҳокама қилинди Фойдаландингизми, ҳақини ҳам тўланг Шавкат Мирзиёев Кавказ мусулмонлари идораси раиси шайхулислом Оллоҳшукур Пошшозода бошчилигидаги делегацияни қабул қилди
  • 23 Апрель 2016

Маликчўл тувалоғи

Орнитологларнинг айтишича, қушларнинг кўпайиш даври баҳор фасли, аниқроғи, март-апрель ойларига тўғри келади. Шу боис кўклам палласида Маликчўл ҳудудида ҳам паррандалар галасини учратиш оддий ҳолга айланади. Айниқса, дунё бўйича сони тобора қисқариб кетаётган йўрға тувалоқ тез-тез кўзга ташланаётгани қувонарли ҳолдир. 

Гап шундаки, ўтган йили Навоий вилоятида юртимиз “Қизил китоб”ига киритилган ушбу ноёб қушнинг мингтаси табиат бағрига қўйиб юборилди. Мазкур эзгу иш Кармана туманида фаолият кўрсатаётган “Emirates Centr for Conservation of Houbara”  нодавлат нотижорат ташкилоти томонидан амалга оширилди. Навоий шаҳридан 30 километр Жануби-Fарбда, Маликчўл ҳудудида жойлашган ушбу қўриқхонага 2007 йилда асос солинган. 

 Йўрға тувалоқ қурғоқчил шароитга мослашган бўлиб, асосан, очиқ ва буталар мавжуд чўл ҳудудларида яшайди. Шу  боис қўриқхона бу қушлар табиий кўпайиши қулай бўлган ҳудудда, 300 гектар майдонда барпо этилди.   

— Лойиҳадан кўзланган асосий мақсад ҳам Ўзбекистонда йўрға тувалоқнинг кўпа-йишини қўллаб-қувватлашдир, — дейди вилоят табиатни муҳофаза қилиш қўмитасининг Ҳайвонот ва ўсимликлар дунёсини муҳофаза қилиш инспекцияси бош мутахассиси Панжи Рўзиқулов. — Шундан келиб чиқиб, ўтган давр мобайнида муайян ишлар амалга оширилди. Энг аввало, қўриқхона замонавий техника воситалари билан тўлиқ таъминланиб, қушларни парваришлаш учун вольерлар қурилди. 2015 йилда эса паррандаларни соғломлаштириш маркази ҳам фаолият бошлади. Бу каби тадбирлар Ўзбекистон Республикаси Фанлар академияси Ўсимлик ва ҳайвонот дунёси генофонди институтининг мутахассислари билан бамаслаҳат олиб борилаётгани кутилган натижани бермоқда. 

Ҳозирги кунда “Emirates Centr for Conservation of Houbara” марказида парваришланаётган йўрға тувалоқлар сони 2,5 мингтадан ошди. Улар ёввойи табиатга мослаштирилиб, босқичма-босқич учирилаяпти. Агар дастлабки пайтда йилига ўртача 100 та қуш табиат қўйнига қайтарилган бўлса, жорий йилда мазкур кўрсаткични 1,5 мингтага, 2018 йилдан эътиборан эса 2,5 мингтага етказиш кўзда тутилган.

Бу юртимизда биохилмахилликни таъминлаш йўлида кўрилаётган изчил чора-тадбирларнинг юксак самараларининг яққол далолатидир.  

 

Азамат ЗАРИПОВ,

«Халқ сўзи» мухбири.

Мазкур рукиндаги бошқа мақолалар: « Дарадаги мўъжиза булоқ Ҳам малҳам, ҳам таом »

Кўриш қобилияти чекланганлар учун

A- A A+

Кўп ўқилган